“Манчестер Юнайтед” бош мураббий масаласини қандай ҳал қилди?

Уле-Гуннар Сульшерни истеъфога чиқарган “Манчестер Юнайтед” масаласи янги бош мураббий масаласида янги стратегия ишлаб чиқди.

Маълумотларга қараганда, Сульшердан кейин жамоани Майкл Кэррик бошқаради. У клуб раҳбарияти футболчиларга жорий мавсум якунлангунича устозлик қиладиган мутахассис топилгунича бош мураббий вазифасини бажаради.

Клуб хўжайинлари вақтинча мураббийликка бир неча вариантларни кўриб чиқмоқда. Улар орасида Қатарнинг “Ар-Райан” жамоаси устози Лоран Блан ҳам бор.

Асосий мақсад эса, ПСЖда ишлаётган Маурисио Почеттинони олиб келиш ҳисобланади. Манчестерликлар аргентиналик мутахассисни ёзда Англияга қайтармоқчи. Айни пайтда унинг агентлари билан алоқа ўрнатилиб, музокараларга тайёргарлик бошланди.

Маурисио Почеттинони “Манчестер Юнайтед”га олиб келиш ишларини сэр Алекс Фергюсон ўз бўйнига олди. Агар аргентиналик мураббий Парижда қолишни маъқул кўрса, манчестерликлар “Аякс”ни муваффақиятли бошқараётган Эрик тен Хаг вариантига ўтади.