“Манчестер Юнайтед” дарвозани кимга топширади?

Давид де Хеанинг ўйинидан қониқмаган “Манчестер Юнайтед” ҳамон ишончли дарвозабон қидирмоқда. Айни пайтда манчестерликлар эътиборини “Лестер” посбони Каспер Шмейхель тортмоқда.

Даниялик дарвозабон 2011 йилдан буён “Лестер” шарафини ҳимоя қилмоқда ва 2016 йилда жамоасининг Англия чемпионатида ғолиб чиқишига муносиб ҳисса қўшган. Каспернинг ўзи ҳам жамоасини алмаштиришга қарши эмас. Қолаверса, унинг отаси Петер Шмейхель ўз вақтида “Манчестер Юнайтед” дарвозабони сифатида улкан ютуқларни қўлга киритган.

Испаниялик Давид де Хеа ҳам 2011 йилдан буён “Манчестер Юнайтед” дарвозасини қўриқлаб келмоқда. Аввалги йиллардан фарқли ўлароқ, Давид кейинги пайтда натижага таъсир қиладиган қўпол хатоларга йўл қўя бошлади. Шунинг учун “Манчестер Юнайтед” унинг ўрнига Дин Хендерсон, Ян Облак ва Каспер Шмейхель номзодларини кўриб чиқмоқда.

15304830573847_1

Фикрлар

Фикр қолдириш учун авторизациядан ўтинг!