“Манчестер Юнайтед” Эрик тен Хаг бўйича якуний қарорини айтди

“Манчестер Юнайтед”нинг ўз мухлислари кўз ўнгида ашаддий рақиблардан бири “Ливерпуль”дан 0:3 ҳисобида мағлубиятга учрагани нидерландиялик бош мураббий Эрик тен Хагнинг келажаги ҳақидаги саволларни келтириб чиқарди.

Манчестерликлар чемпионатда учта учрашувдан иккитасида мағлубиятга учради ва фақат уч очко жамғара олди холос.

Шунга қарамай, клуб раҳбарияти Эрик тен Хагни қўллаб-қувватлашини билдирди.

- Эрик тен Хаг раҳбарият томонидан тўлиқ қўллаб-қувваланади. Биз ёзги трансферлар вақтида яқиндан ҳамкорлик қилдик. Нидерландиялик мураббий билан бирга ишлашда давом этамиз ва яхши натижаларга эришиши учун унга ёрдам кўрсатамиз, - деди “Манчестер Юнайтед” ижрочи директори Омар Беррада.

Илгари “Аякс”да катта натижаларни қўлга киритган Эрик тен Хаг 2022 йилнинг ёзидан бери “Манчестер Юнайтед”ни бошқариб келмоқда. Бу ёзд кўпчилик унинг лавозимни топширишини кутган эди. Бироқ клуб хўжайинлари ҳамкорликни 2026 йилнинг ярмигача узайтирди.