“Манчестер Юнайтед” футболчилари янги бош мураббий танлади

Европа матбуотида “Манчестер Юнайтед” футболчилари ҳозирда жамоани бошқараётган Ральф Рангникнинг иш услубидан норози экани ҳақида кўп хабар тарқатилмоқда.

Журналист Адриан Греньенинг хабар беришича, манчестерлик ўйинчилар жамоани Ральф Рангник ўрнига Маурисио Почеттино бошқаришини талаб қилмоқда.

Клуб хўжайинлари қарорига кўра, германиялик мутахассис мавсум охиригача бош мураббийлик қилади ва кейинчалик бошқа лавозимга ўтказилади.

Маурисио Почеттинонинг ўзи ҳам Англия премьер-лигасига қайтишга қарши эмас. Ўз ўрнида, ПСЖ унинг ўрнига Зинедин Зиданни олиб келмоқчи.