"Манчестер Юнайтед" футболчиси "Астон Вилла"га ўтди

"Астон Вилла" клуби ўзининг расмий сайти орқали "Манчестер Юнайтед"нинг марказий ҳимоячиси Аксель Туанзебени таркибга қўшиб олганини эълон қилди.

Юқоридаги манбага кўра, бирмингемликлар 23 ёшли футболчини 2021/22 йилги мавсум охиригача ижарага олган. Шартноманинг бошқа бандлари ошкор этилмаяпти.

"Манчестер Юнайтед" тарбияланувчиси ҳисобланган Туанзебенинг айни дамдаги трансфер нархи 8 миллион еврога баҳоланмоқда.

Маълумот учун, Туанзебе 2018-2019 йилларда ҳам “Астон Вилла” шарафини ҳимоя қилган.