“Манчестер Юнайтед” катта трансферни удаллади

“Манчестер Юнайтед” раҳбарияти уругвайлик ҳимоячи Рональд Араухо трансфери бўйича “Барселона” талаб қилган 40 миллион еврони беришга рози бўлди. Бу ҳақда El Nacional нашри хабар берди.

23 ёшли ҳимоячи каталонияликларнинг янги шартнома бўйича таклифларини қабул қилмай келаётган эди. “Барселона” Араухога йилига 5 миллион еврога яқин маош берилишини ваъда қилган бир паллада манчестерликлар бир мавсум учун 10 миллион евро тўлашни таклиф қилди.

Каталония клуби мутасаддилари ўйинчи келаси йили эркин агент сифатида бепул кетиб қолишини олдини олиш учун ёзда уни 40 миллион еврога сотиб юборишга кўнди.

Араухо “Барселона” тизимига 2018 йили Уругвайнинг “Бостон Ривер” клубидан 4,7 миллион евро эвазига олиб келинган.