"Манчестер Юнайтед"-ЛАСК: Матнли трансляция
- 90'
Учрашув якунланди. Матнли трансляцияни Жавоҳир Азимов олиб борди.
- 90+3'
Учрашувдаги сўнгги хавфли вазият яратган Рагузнинг товони билан йўллаган зарбасини Серхио Ромеро қайтариб, жамоасининг жавоб учрашувида ҳам ғалаба қозонишига муносиб ҳисса қўшди.
- 90'
Учрашувга бош ҳакам Сидиропулос томонидан 3 дақиқа қўшиб берилди.
- 88'
ГООООООООООЛЛЛЛЛЛЛ!
Матанинг узатмасидан сўнг қулай имконият ҳосил қилган Антони Марсяль дарвозабонни ожиз қолдирди.
- 84'
"Манчестер Юнайтед" сафида охирги ўзгариш: Марсяль ва Менги Жеймс ҳамда Фосу-Менсани ўзгартирди.
- 83'
Икки футболчини ўзининг финтлари билан чалғита олган Перейра тўпни МакТоминайга оширди. Шотландиялик хавбекнинг зарбасига аниқлик етишмади.
- 82'
Погба марказдан Игалони қулай вазиятга чиқариб юборди. Одионнинг тезлиги тўпга етиш учун камлик қилди.
- 80'
Майдонда ҳаракат қилган Андраде ўрнига Филипович туширилди.
- 78'
МЮ ҳимоячилари ЛАСК клуби аъзоларини жарима майдонига яқинлаштирмаяптилар.
- 75'
Майдонга янги қўшилганлар орасида Андрес Перрейра ўзининг фаол ҳаракатлари билан ажралиб турибди.
- 73'
Меҳмонларнинг ягона голи муаллифи Вайзингер ўз ўрнини Забицерга бўшатиб берди.
- 72'
Сульшердан яна бир юриш: Тахит Чонг Уильямс ўрнига майдонга тушурилди.
- 70'
Райтернинг зарбаси Ромеро учун қийинчилик туғдирмади.
- 69'
Баҳс МЮ футболчиларининг ҳар томонлама устунлигида давом этмоқда. Яқиндагина майдонга тушган Погба ва Перрейра тўп устунлигини таъминламоқда.
- 66'
Захирадан ўйинга Доминик Райтер қўшилди. У энди Балич ўрнида ҳаракат қилади,
- 63'
Гол муаллифи Лингард Погба томонидан алмаштирилди, марказда фаол ҳаракатлари билан ажралиб турган Фред эса Перрейрага ўз ўрнини бўшатиб берди.
- 60'
Киритилган голлар иккала жамоанинг ҳам иштаҳасини очиб юборди. Ўйин тезкор суръатда давом этмоқда.
- 57'
ГООООООООООЛЛЛЛЛЛЛ!
Дарвозабон билан юзма-юз қолган Лингард ҳисобни тенглаштирди. "Манкунианлар"дан тезкор жавоб.
- 55'
ГООООООООООЛЛЛЛЛЛЛ!
Вайзингернинг жарима майдончаси ташқарисидан берган супер зарбасини дарвозабон қайтара олмади.
- 53'
Одион Игало ўйиндан ташқари ҳолатда қолиб кетди.
- 52'
Ўз жарима майдончаси яқинида МЮ ҳимоячилари тўп назоратини қўлга олишди. Майда паслар сериясига дарвозабон Ромеро ҳам қўшилди.
- 50'
Матанинг ажойиб пасини Игало рақиб посбонинг қўлларига йўллади. Ҳавфли ҳужум голсиз тугади.
- 47'
Жеймснинг қанотдан Игалога узатган тўпини ЛАСК кипери ушлаб олди ва қарши ҳужумни бошлаб берди. Меҳмонлар ҳужуми ҳам бесамар якунланди.
- 46'
Иккинчи тайм бошланди.
- 45'
Танаффус.
- 45'
Биринчи бўлимга бош ҳакам томонидан 1 дақиқа қўшиб берилди.
- 44'
Бўлим сўнггида иккала жамоа ҳам бироз темпни пасайтиришди. Ўйин майдон марказида кечмоқда.
- 43'
Фосу-Менса қанотдан тезликда ёриб кирди. Марказга берган узатмасини эса рақиб посбони Шлагер зарарсизлантирди.
- 39'
МакТоминей ҳам ҳакам томонидан огоҳлантирилди.
- 37'
Жеймснинг узатмасини рақиб ҳимоячиси майдондан чиқариб юборди. Бурчак зарбасини амалга оширган Хуан Мата яна пас беришда адашди.
- 35'
Микорл майдон марказида Лингардга нисбатан қўполлик ишлатди. Натижада, бош ҳакам уни огоҳлантирди.
- 34'
Бугун "қизил иблислар" ҳимояси ўзига ўхшамаяпти.
- 31'
Меҳмонлар форварди Рагузнинг зарбасини Серхио Ромеро қайтариб юборди.
- 30'
Яна Матадан пас ва яна Магуайр. Бу сафар хам МЮ сардорининг бош билан берган зарбасига аниқлик етишмади.
- 27'
Вайзингер майдонда ётибди. Шифокорлар унга ёрдам кўрсатишди. Ҳимоячи ўйинни давом эттира олади.
- 24'
Ўз жарима майдончаси ёнида Фосу-Менса рақибга нисбатан қўполлик ишлатди. Тўп олдига яқинлашган Микорл жонли деворни нишонга олди.
- 20'
МЮ футболчилари ўзларини ҳотиржам тутмоқда. ЛАСК эса гол уриш учун ҳаракатларни тўхтатмаяпти. Аммо улар бесамар якунланяпти.
- 18'
Игало тезкорлик билан ҳужумга югурди. Рақиб кипери Шлагер тўпни эгаллаб олди.
- 15'
ЛАСК футболчилари гол уриш учун тинмай ҳаракат қилмоқда. Бироқ кетма-кет йўлланаётган зарбалар мезбонлар посбони учун қийинчилик туғдирмаяпти.
- 9'
Меҳмонларнинг хавфли ҳужуми натижасида тўп тўсинга тегди. Жарима майдончаси ичида саросимали вазият юзага келди.
- 4'
Матанинг узатмасини Магуайр кўкка совурди.
- 1'
Учрашув бошланди.
- 0'
Жамоалар майдонда саф тортишди.
Фикрлар