"Манчестер Юнайтед" майдон марказини кучайтира оладиган футболчи топди

"Ноттингем Форест"нинг 22 ёшли хавбеки Эллиот Андерсон АПЛнинг бошқа бир вакили - "Манчестер Юнайтед" қизиқишлари доирасида бўлиб турибди. Бу ҳақда Caught Offside журналистлари хабар бермоқда.

"Қизил иблислар" футболчини қишки трансферлар даврида ўз сафига қўшиб олишга ҳаракат қилади. "Ўрмончилар" эса ярим ҳимоячини 80 миллион еврога баҳоламоқда. Эллиот "Ноттингем Форест" билан 2029 йилнинг ўрталарига қадар тузилган меҳнат шартномаси билан боғланган.

2025/2026 йилги мавсумда Андерсон 12 та ўйинда иштирок этган. Ярим ҳимоячи битта голли узатмани ўз ҳисобига ёздириб қўйди. Transfermarkt портали футболчининг нархини 45 миллион еврога баҳоламоқда.