“Манчестер Юнайтед” ўйинчилари Роналдудан норози

“Манчестер Юнайтед”нинг аксарият ёш ўйинчилари жамоанинг энг ёрқин юлдузи Криштиану Роналду билан чиқиша олмаяпти.

The Athletic нашрининг хабар беришича, футболчиларга португалиялик тўпурар яқинда берган интервьюсида ёш ўйинчиларни танқид қилгани ёқмаган.

“Юнайтед” ёшлари Роналдудан кўра Эдинсон Кавани билан кўп мулоқот қилиб, ундан кўп нарса ўрганмоқда. Уругвайлик ҳужумчи инглиз тилини Роналдучалик ўзлаштирмаган бўлса-да, жамоадошлари орасида айнан унинг ҳурмати баланд.

Жаҳон футболида бир неча такрорланмас рекордларни қайд этган Роналду яна Чемпионлар лигасида ғолиб чиқмоқчи. У бу мақсадини амалга ошириш орқали “Реал” афсонаси Франсиско Хенто каби қитъанинг энг нуфузли турнирида олти маротаба ғолиб чиқиб, рекордни янгилашни режалаштирган.

Фикрлар

Фикр қолдириш учун авторизациядан ўтинг!