"Манчестер Юнайтед" ўзига керакли футболчини Чемпионшипдан топди

"Бёрнли" дарвозабони Жеймс Траффорд фаолиятини бошқа инглиз клубида давом эттириши мумкин. Бу ҳақда Caughtoffside хабар бермоқда.

Манбага кўра, 22 ёшли дарвозабон билан "Манчестер Юнайтед" жиддий қизиқмоқда. Траффорд камерунлик дарвозабон Андре Онананинг потенсиал ўринбосари сифатида кўрилмоқда, чунки Онана 2024/2025 йилги мавсум якунида клубни тарк этиши мумкин.

"Қизил иблислар" Траффордга беш йиллик шартнома таклиф қилишни режалаштирмоқда. Бироқ, МЮдан ташқари голкиперга "Ньюкасл" ҳам жиддий қизиқиш билдирмоқда.

Жорий мавсумда Чемпионшип доирасида Траффорд 33 ўйинда майдонга тушиб, атиги 9 та гол ўтказиб юборган.