"Manchester Yunayted" qishdayoq APLni "gullatayotgan" hujumchini olib kelmoqchi

"Bornmut" hujumchisi Antuan Semeno faoliyatini "Manchester Yunayted"da davom ettirishi mumkin. "TEAMtalk" nashrining ma’lum qilishicha, MYu skautlari mavsum boshidan beri Semenoning o‘yinlarini yaqindan kuzatib kelmoqda.

Manbaga ko‘ra, "qizil iblislar" mazkur hujumchi uchun taxminan 68 million evro to‘lashga tayyor. Dastlab transferni yozda amalga oshirish rejalashtirilgan edi, ammo Semeno hozirgi shaklini davom ettirsa, bitim qishdayoq amalga oshishi mumkinligi aytilmoqda.

Joriy mavsumda 25 yoshli Semeno Angliya chempionatida 10 ta o‘yin o‘tkazib, 6 ta gol urdi va 3 ta golli uzatma berdi. Uning klub bilan tuzgan shartnomasi 2030 yilgacha amal qiladi.