"Манчестер Юнайтед" Роналдуга суянмайди!

Криштиану Роналдунинг “Манчестер Юнайтед”даги келажаги ҳамон мавҳум бўлиб турибди.

Манчестерликлар бош мураббийи Ральф Рангник келаси мавсум жамоа португалиялик юлдузга таянмаслигини билдирди. У Роналду жамоанинг ҳақиқий етакчисига айланишига ишонмаяпти.

Тўпурарнинг ўзи агар жамоа Чемпионлар лигасига чиқа олмаса, клубни тарк этишини маълум қилган.

Криштиану жорий мавсумда премьер-лигада 23 та учрашувда қатнашиб, тўққизта гол ва учта ассист муаллифи бўлди. Ўтган йилнинг август ойида манчестерликлар унинг трансфери учун “Ювентус”га  15 миллион тевро тўлаган эди. Амалдаги шартнома 2023 йилнинг ёзига тузилган.