“Манчестер Юнайтед” Роналдуни бош мураббийга алмаштиради!

Ёзда “Манчестер Юнайтед”да катта ўзгаришлар бўлади. Клуб хўжайинлари жамоани бошқарадиган бош мураббий масаласини ҳал қилиши керак. Номзодлар орасида ПСЖ устози Маурисио Почеттино ҳам.

“Юнайтед” етакчиси Криштиану Роналду ПСЖга ўтишга мойиллиги ҳақида хабарлар кўпайиб бормоқда. Манчестерликлар бундан унумли фойдаланмоқчи.

Daily Mirror нашрининг хабарига кўра, ҳар икки клуб ўзаро рокировкага қўл уриши мумкин. Агар бу режа амалга ошса, португалиялик тўпурар Парижга йўл олади. Чунки ПСЖни Зинедин Зидан қабул қилиб олиши кутиляпти. Зидан Криштиануга “Реал”да устозлик қилган.

Ўз навбатида, ПСЖ юлдузларини бўйсундира олмаган Почеттино “Манчестер Юнайтед”га келиши кутиляпти.