“Манчестер Юнайтед” Сульшер бўйича бир қарорга келди

“Манчестер найтед” раҳбарияти ёзги трансферлар вақтида катта сарф-харажат қилганига қарамай, Уле-Гуннар Сульшер жамоа ўйинини сезиларли даражада кучайтира олмаяпти. Жамоа кутилганидан кўп очко йўқотаётгани сабабли матбуотда норвегиялик мутахассис истеъфога чиқарилиши ҳақида ҳам хабарлар кўпая бошлади.

Бироқ, таниқли инсайдер Фабрицио Романо клуб Мульшернинг ишида қониқаётгани ва мутахассис ишини давом эттириши ҳақида маълумот тарқатди.

- Клубдагилар вазият яхши томонга ўзгаришини кутмоқда ва Сульшерни лавозимидан олиш режаси йўқ. Раҳбарият бошқа мутахассислар билан алоқага чиққани йўқ. Улар норвегиялик мутахассисга ишонч билдиришда давом этмоқчи. Чунки улар жамоани янада юқори савияга олиб чиқиш учун Сульшерга ҳали яна вақт кераклиги билади, - деб ёзади Фабрицио Романо.