“Манчестер Юнайтед” супертрансфер учун даҳшатли сумма тўлашни рад этди

“Манчестер Юнайтед” раҳбарияти ёзда ҳужум чизиғини кучайтириш учун бир неча номзодларни кўриб чиқмоқда. Манчестерликлар кўп гол ура оладиган ёш, бақувват ва чаққон ҳужумчи олмоқчи.

Клуб нишони “Наполи” вакили Виктор Осимхенга тушганди. Бироқ, А Серия клуби нигериялик форвард учун 120 миллион евро талаб қилди. Табиийки, бу манчестерликларга маъқул келмади ва улар рад жавобини берди.

23 ёшли футболчи Италия чемпионатига 2020 йили “Лилль”дан кўчиб ўтганди. Ўшанда неаполликлар французларга 75 миддион евро тўлаган.

Жорий мавсумда Виктор Осимхен А Серияда 17 та учрашувда қатнашиб, ўз ҳисобига еттита гол ва учта голли пас ёздириб қўйди. Шунингдек, Европа лигасида бешта ўйинда рақиблар дарвозасини тўрт бора ишғол қилди.