"Манчестер Юнайтед" тўпурар ҳужумчи билан музокаралар бошлади

Швециялик марказий ҳужумчи Виктор Гьёкереш ҳали ҳам "Манчестер Юнайтед"нинг асосий трансфер мақсадларидан бири бўлиб қолган, деб хабар бермоқда Sky Sports журналистлари.

Манбага кўра, "қизил иблислар" ҳужумчини қўлга киритиш бўйича музокараларни воситачилар орқали олиб бормоқда. Гьёкереш МЮда ўтган мавсумда юқори самарадорлик кўрсата олмаган Расмус Хойлунднинг ўрнини эгаллаши мумкин.

27 ёшли Гьёкереш ўтган мавсумда Лиссабоннинг "Спортинг" жамоаси сафида 51 та ўйинда майдонга тушиб, 53 та гол ва 13 та голли узатмага муаллифлик қилган. Унинг Португалиянинг топ-клуби билан амалдаги шартномаси 2028 йилгача мўлжалланган.