“Manchester Yunayted” Xavini chaqirgandi...

“Barselona” o‘yinini ijobiy tomonga o‘zgartirgan Xavi Ernandes kataloniyaliklarni qabul qilishdan oldin “Manchester Yunayted”dan chorlov olgani ma’lum bo‘ldi.

Manbaning xabar berishicha, manchesterliklar sobiq bosh murabbiy Ule-Gunnar Sulsherni iste’foga chiqarganidan keyin o‘sha paytda Qatar chempionatida ishlayotgan Xaviga murojaat qilgan.

Ispaniyalik mutaxassis inglizlarga og‘ir botmaydigan qilib, ularning taklifini rad etgan. Eo‘p o‘tmay, “Barselona” qoniqarsiz natijalar ortidan Ronald Kumanni haydab, Xavini qadrdon jamoasiga chaqirdi.

“Manchester Yunayted” rejasi amalga oshmaganidan keyin ular mavsum oxiriga qadar jamoani germaniyalik mutaxassis Ralf Rangnikka topshirishga qaror qildi.