"Манчестер Юнайтед" яқин соатларда супер трансферни эълон қилади

"Ювентус" ҳужумчиси Криштиану Роналду "Манчестер Юнайтед"га қайтишга яқин турибди. Бу ҳақда инсайдер Фабрицио Романо ёзмоқда. 

Манбанинг хабарига кўра, португалиялик футболчи агенти Жоже Мендешга "қизил иблислар" сафига қайтишга тайёр эканлигини айтган. МЮ Роналду билан 2023 йилнинг ёзига қадар шартнома имзолайди ва ҳафтасига 270 минг фунт маош тўлайди. 

Аввалроқ, "Манчестер Сити" Криштиану учун курашдан чиққанлиги маълум бўлганди.