"Манчестер Юнайтед" ярим ҳимоячига нарх белгилади

"Манчестер Юнайтед" ярим ҳимоячиси Кобби Майну Италиянинг нуфузли клубларидан бирининг эътиборини тортди. Бу ҳақда "Todofichajes" нашри хабар берди.

Манба маълумотларига кўра, англиялик ярим ҳимоячининг трансферига Миланнинг "Интер" клуби қизиқиш билдирмоқда. Ўз навбатида, "қизил иблислар" футболчининг нархини 80 миллион евро деб белгилаган.

Майну билан "Манчестер Юнайтед" ўртасидаги шартнома 2027 йил июнь ойининг охиригача амал қилади. Инглиз Премьер-лигасининг жорий мавсумида Кобби 18 та ўйинда иштирок этди.

Transfermarkt портали ярим ҳимоячини 55 миллион еврога баҳоламоқда.