“Манчестер Юнайтед” зўр футболчига трансфер сўровини юборди

“Манчестер Юнайтед” раҳбарияти ёзги трансферлар вақтида клубга олиб келиниши режалаштирилаётган “Лидс” ярим ҳимоячиси Рафинья бўйича расмий сўров юборди.

Сульшер бу футболчини ўз шогирдлари орасида кўриши учун клуб 35 миллион фунт санашига тўғри келади.

Рафинья ҳозирги жамоаси таркибига 2020 йилнинг октябрь ойида “Ренн”дан 17 миллион фунт эвазига кўчиб ўтганди. Бразилиялик ўйинчига Англия премьер-лигасида ўзини кўрсатиш учун бир неча ой кифоя қилди.

Бу футболчи премьер-лигада 21 та учрашувд бешта гол ва шунча голли пас муаллифи бўлди. У рақибни алдаб ўтиш борасида премьер-лигада учинчи ўринда бормоқда, узоқ масофадан аниқ зарба бериш бўйича кучли бешликка киради.

Рафиньянинг ўзи ҳам “Лидс” раҳбариятини кучлироқ клубга ўтиш истаги борлигидан огоҳлантирди.