“Манчестер Юнайтед”нинг супер трансфери барбод бўлди

Узоқ давом этган музокаралар бесамар кетди ва Жейдон Санчонинг “Манчестер Юнайтед”га трансфери амалга ошмайдиган бўлди.

“Боруссия” Санчони трансфер қилишни истаган жамоалар учун 10 августгача муддат белгилаган эди. Бу вақт ичида футболчига асосий даъвогар бўлган манчестерликлар Бундеслига вакили билан келишувга эриша олмади.

МЮ футболчи билан шахсий шартнома шартларини келишиб олган эди. Лекин “Боруссия”ни 120 миллион евролик суммани пасайтиришга ёки бу маблағни бир неча йил давомида бўлиб тўлашга кўндира олмади.

Санчонинг дортмундликлар билан амалдаги шартномаси яна икки йил давом этади. Якунланган мавсумда ярим ҳимоячи Бундеслигада 32 та ўйинда 17 та гол урди ва 16 та ассистни амалга оширди.