Manchesterliklar “Bavariya”ning kutilmagan ikki yulduzini olmoqchi

“Manchester Yunayted” rahbariyati jamoa tarkibini boshqa klublardagi tajribali o‘yinchilar evaziga kuchaytirishga qaror qildi.

Evropa mabuotining yozishicha, manchesterliklar kutilmaganda “Bavariya”ning ikki yulduzini nishonga oldi.

The Athletic nashri Erik ten Xag o‘z jamoasiga hujumkor futbolchilar – Erik Shupo-Moting va  Tomas Myullerni jalb qilmoqchi ekani haqida ma’lumot tarqatdi.

“Bavariya” yozda Harri Keynni olib kelganidan keyin kamerunlik hujumchining o‘yin vaqti tobora kamayib bormoqda.

Shuningdek, manchesterliklar uzoq yillardan beri “Bavariya”da o‘ynab kelayotgan Tomas Myuller faoliyatining so‘nggi bosqichida Angliya Premer-ligasida o‘ynashga rozilik berishiga umid qilyapti.