Манчестерликлар кўп гол урадиган ҳужумчига катта сумма тикди
“Манчестер Юнайтед” бош мураббийи Рубен Аморим келаси мавсум олдидан жамоаси таркибида жиддий ўзгаришлар қилишга бел боғлади.
Таниқли инсайдер Николо Скиранинг маълум қилишича, манчестерликлар “Спортинг” тўпурари Виктор Дьёкерешни олиш бўйича иш бошлаган.
Португалия клуби деярли ҳар бир учрашувда тўп киритаётган асосий ҳужумчисини 65 миллион евродан кам бўлмаган маблағ эвазига қўйиб юбориши мумкин.
“Спортинг” 26 ёшли футболчини 2023 йилнинг ёзида “Ковентри”дан 24 миллион еврога харид қилган эди.
“Манчестер Юнайтед” Дьёкерешни қўлга киритиш учун “Арсенал” билан рақобатлашишига тўғри келади. Чунки Микель Артета жамоаси ҳам швед ҳужумчисини олиш бўйича музокараларни жадал давом эттиряпти.
Дьёкереш якунланган мавсумда барча турнирларда 52 маротаба майдонга тушиб, 54 та гол ва 13 та ассист муаллифи бўлди.
Фикрлар