Manchesterliklar olti yulduz ketganini e'lon qildi

"Manchester Yunayted" bu yozda "Old Trafford"ni tark etayotgan futbolchilar ro'yxatini e'lon qildi. Klub kelasi mavsumga tayyorgarlik doirasida asosiy jamoa tarkibidan olti nafar futbolchi ketishini rasmiy tasdiqladi.

Jamoani 2022 yilda 70 million funt (taxminan 81,1 million yevro) evaziga kelgan Kazemiro, "Yunayted" safida 50 o'yin o'tkazgan Tayrell Malasiya va klubga 73 million funt (84,6 million yevro)ga tushgan Jeydon Sancho tark etmoqda. 

Kazemiro mavsum boshidayoq Manchesterdagi faoliyatini yakunlash niyati borligini ma'lum qilgan edi. Malasiya va Sancho bilan esa klub rahbariyati shartnomani uzaytirmaslikka qaror qildi.

Shuningdek, Rasmus Hoylund Italiyadagi bir yillik ijara muddati yakunlangandan so'ng "Napoli" klubiga to'liq huquq asosida o'tdi. Bundan tashqari, tarkibni yangilash dasturi doirasida manchesterliklar safini Manuel Ugarte va Joshuа Zirkzee ham tark etmoqda. Ushbu o'zgarishlar yozgi transfer oynasi ochilishi oldidan jamoani qayta shakllantirish rejasining bir qismi sifatida ko'rilmoqda.