Mansurbek Tolipov jiddiy raqibga qarshi jang qiladi

Yurtimizning iste’dodli muaytay hamda K-1 ustasi Mansurbek Tolipovning navbatdagi jang sanasi va raqibi ma’lum bo‘ldi.

Hamyurtimiz 10 mart kuni Rossiyaning Samara shahrida Battle promousheni tomonidan tashkil qilinadigan  jang kechasida ringga ko‘tariladi. K-1 yo‘nalishida bo‘lib o‘tadigan ushbu turnirda yurtdoshimizga rossiyalik Aleksandr Dmitrenko raqiblik qiladi. Mazkur qarama-qarshilik 81 kg vazn toifasida bo‘lib o‘tadi.

Ushbu rossiyalik jangchi yana bir hamyurtimiz Sher Mamazulunov bilan ham to‘qnash kelgandi. Umid qilamizki, Mansurbek Tolipov kuchli raqibi ustidan g‘alabaga erishadi. Bu borada unga omad tilaymiz!