Маошинг кесилади!

“Ювентус” раҳбарияти жамоада энг катта маош олаётган Поль Погбанинг йиллик пулини кесишни режалаштирмоқда.

Corriere Torino нашрининг ёзишича, Турин клуби хўжайинлари франциялик ярим ҳимоячининг маошини 6 миллион еврога туширмоқчи.

Шартномага кўра, Погба ҳар мавсум учун 10,6 миллион евро олиши керак. Бу маош А Серияда энг каттаси ҳисобланади.

“Ювентус” ҳозир молиявий қийинчиликларни бошдан ўтказяпти. Поль Поба эса, кетма-кет жароҳатлар туфайли кўп ўйинларни ўтказиб юборишга мажбур бўляпти. Шу боис, клуб мутасаддилари унинг маошини 40 фоизга камайтирмоқчи.

Бунинг ўрнига клуб Погбага турли натижалар бўйича бонус белгилашни таклиф қилади.