Marca: Дортмундликлар Дембелени 150 млн евродан камига сотмоқчи эмас

Дортмунднинг “Боруссия” клуби раҳбарияти жамоа ҳужумчиси Усмон Дембелени “Барселона”га 150 миллион евродан камига сотмоқчи эмас.

Гап шундаки, "Барселона” Неймарни ПСЖга 222 миллионга сотганидан сўнг, дортмундликлар ҳам Дембеленинг товон пулини оширишган. Айни дамда Дортмунд шаҳрида бўлиб турган каталонияликлар директори Рауль Санллехи эса ушбу суммани 120 миллионга пасайтиришга уринмоқда.

Эслатиб ўтамиз, бундан аввалроқ “Барселона” 20 ёшли француз билан шахсий келишувга эришгани ҳақида хабарлар тарқалган эди.