"Маритиму" - "Насьонал" 3:2 (видео)

Кеча Португалия Примейра лигаси 27-туридан ўрин олган "Маритиму" ҳамда "Насьонал" жамоалари ўртасидаги ўйин бўлиб ўтди.

"Эстадио дос Барреирос" стадионида кечган учрашувда мезбонлар 3:2 ҳисобида рақибдан устун келишди. Ҳамюртимиз Сардор Рашидов "Насьонал" сафида беллашувни асосий таркибда бошлади ва иккинчи бўлим аввалида захирага олинди.

Қаторасига учинчи баҳсда мағлуб бўлган "Насьонал" жамоаси ҳисобидаги очколар сони 26 талигича қолди ва жамоа турнир жадвалида 14-поғонани эгаллаб турибди.

Қуйида ушбу учрашувнинг қисқача видеошарҳи ҳамда киритилган голларни томоша қилишингиз мумкин: