Марказий Осиё чемпионати олдидан матбуот анжумани ўтказилди
Пойтахтимизда Ўзбекистон Республикаси жисмоний тарбия ва спорт вазирлиги, Тошкент шаҳар ҳокимияти ва Ўзбекистон шахмат федерацияси томонидан шахмат бўйича Марказий Осиё давлатлари ўртасида FIDE 3.4 ҳудудий чемпионатига бугун старт берилади.
Халқаро шахмат академиясининг махсус биносида мазкур чемпионат олдидан матбуот анжумани ўтказилди. Ундаа Ўзбекистон шахмат федерацияси раисининг биринчи ўринбосари, Ҳусан Турдиалиев мамлакатимизда навқирон авлодни жисмонан соғлом, маънан етук, юксак интеллектуал салоҳиятли этиб вояга етказиш, спортнинг барча турлари қатори шахматни изчил ривожлантиришга қаратилаётган улкан эътибор ва ғамхўрлик самарасида ўзбек шахмат мактаби вакиллари нуфузли халқаро мусобақаларда юқори натижаларга эришиб келаётганини алоҳида таъкидлади.
Мазкур мусобақада вакилларимиздан ташқари Қозоғистон, Қирғизистон, Тожикистон ва Афғонистондан келган 50 нафарга яқин шахматчи 9 турдан иборат швейцарча тизимда дона суради.
Анжуман сўнгида журналистларни қизиқтирган саволларга жавоб қайтарилди.
Comments