Марказий ўйин олдидан Зидан нималар деди?

Чемпионлар Лигаси 3-туридан ўрин олган марказий учрашувда "Реал" ўз майдонида "Интер"ни қабул қилади. Ушбу баҳс олдидан ташкил этилган матбуот анжуманида "қаймоқранглилар" устози Зинедин Зидан ўз фикрларини билдириб ўтди:

"Барча футболчилар тарихга киришни истайди. Шубҳасиз, Азар, Бензема, Асенсио учлиги катта ютуқларга эришишга лойиқ. Мен вақтимни футболчиларим билан ўтказишни яхши кўраман. Ҳар бир ўйин финал, бизни эртага яна бир финал кутиб турибди. Шунинг учун, бор эътиборимизни 3 очко олишга қаратамиз.

Биз доим Чемпионлар Лигасини ютишга интиламиз. Бу барча шогирдларимнинг ёдидан кўтарилмаслигига шубҳа қилмайман. Қийин бўлади, лекин биз курашишимиз лозим. Футбол тобора тенглашиб бормоқда. Энди кучсиз жамоалар йўқ. Бугунги футболда исталган жамоа ғалаба қозониши мумкин".

Матнда хатолик топсангиз, ўша хатони белгилаб, бизга жўнатинг (Ctrl + Enter)