Марко Ройс дербини ўтказиб юбориши мумкин

Шанба оқшомида Германия чемпионатида Рур дербиси бўлиб ўтади. Шу куни "Шальке" Дортмунднинг "Боруссия" клубини қабул қилади. German Sky нашри тарқатган хабарга қараганда, дортмундликлар сардори Марко Ройс коронавирус билан боғлиқ бўлмаган касаллик туфайли ушбу ўйинни ўтказиб юбориши мумкин.

2022/2023 йилги мавсумда Марко Ройс “Боруссия” сафида 20 та ўйин ўтказиб, 6 та гол урди ва 7 та голли узатмани амалга оширди.

Қўшимча қиламизки, айни дамда "Боруссия Д" Германия Бундеслигаси турнир жадвалида “Бавария”дан сўнг иккинчи ўринни эгаллаб турибди. Ҳар иккала жамоа ҳам тенг очкога эга, аммо мюнхенликлар қўшимча кўрсаткичлар бўйича пешқадам сифатида қайд этилган.