Марко Станоевич: "Янада кучли жамоага айланяпмиз"
Хабарингиз бор, яқинда “Насаф” клуби сербиялик футболчиси Марко Станоевич билан шартномани узайтирди.
Ўз ўйинлари билан мухлислар меҳрини қозонган ярим ҳимоячи айни дамда катта иштиёқ билан “Насаф”нинг машғулотларида иштирок этяпти.
Футболчини янги шартнома имзолагани билан табрикладик ва Марко Sports.uz учун шундай деди:
“Табрик учун катта раҳмат. Аввалига уйда дам олдим, кейин янги мавсумга тайёргарлик кўришни бошладим. Жамоадан чақирув бўлишини ва шартнома таклиф қилишини кутдим. Умид қиламанки, бу йил ўтган мавсумдан янада яхши бўлади.
Бу йил олдимизга жуда катта мақсад қўйилган. Жамоамиз ўтган йили ҳам яхши ўйин кўрсатди, лекин чемпионатни ютиш учун озгина кучимиз етмади. Ҳозир жамоа позициялар бўйича янги ўйинчилар билан кучайтириляпти ва биз янада кучли жамоага айланяпмиз. Мухлисларимиз бир неча йиллардан бери кутаётган натижага эришишга ҳаракат қиламиз”, - дейди Станоевич, Sports.uz сайтига.
Фикрлар