Ads

Белграднинг "Црвена Звезда" клуби ҳужумчиси Неманья Радонич фаолиятини "Марсел"да давом эттирадиган бўлди. Бу ҳақда клуб расмий сайти хабар тарқатмоқда.

Унга кўра 22 ёшли сербиялик футболчи француз клуби билан 5 йиллик шартнома имзолаган. Бунинг учун марселликлар белградликларга 12 миллион евро тўлашган.

Маълумот учун, Радонич "Црвена Звезда" шарафини 2017 йилдан буён ҳимоя қилиб келаётган эди. У ўтган давр мобайнида жами 47та ўйинда майдонга тушиб, ўз ҳисобига 11та гол ёздириб қўйишга эришган.