"Машъал" испаниялик мутахассис қўл остида йиғинга киришди

Серхио Маринангели бошчилигида "Машъал" янги мавсумга жиддий тайёргарлик бошлади. Ҳозирча жамоа Муборакдаги ўз қароргоҳида машғулотлар олиб бормоқда.

"Газчилар" таркибида клуб академияси тарбияланувчилари ҳамда бир қатор маҳаллий ёш футболчилар ҳам кўрикдан ўтмоқда. Сирож Аллаев, Раҳмон Очилов, Сардор Хурсандов, Жасур Курбонов, Муҳаммад Йўлдошев, Муҳаммаджон Султонов, Феруз Мўминов, Жавоҳир Шодмонов ва Муҳриддин Шасмиддинов жамоа кўригида бўлиб турибди.

"Машъал" селекция ишларини фаол олиб бормоқда. Шу кунларда таркибга яна янги легионер футболчилар келиб қўшилиши кутилмоқда.

Жамоа легионерлари - Ифиани Ифиани ҳамда Иби Мичель Окоролар 20 январь куни йииғинга келиб қўшилади.