"Машъал" клуби ФИФАнинг таъқиқи бўйича вазиятга муносабат билдирди

“Машъал” футбол клубининг нигериялик собиқ футболчиси Ибе Микаел Окоро клуб футболчи билан тўлиқ ҳисоб-китоб қилмаган дея ФИФАга шикоят қилган эди.

Аммо мазкур шикоятни ўрганиб чиққан ФИФА футболчилар мақоми ва ўтиши қўмитаси жорий йилнинг апрел ойида “Машъал” ва Ибе Микаел Окоро ўртасидаги низоли вазият юзасидан қарор чиқариб, “Машъал” футбол клуби зиммасига юклатилган жарима тўловларини 45 кун муддат ичида тўлаши лозим экани белгиланган эди.

Куни кеча футболчининг вакиллари ФИФАга клуб бу борада тўлиқ тўловни амалга оширмади, дея мурожаат қилишди. Шу сабабли ФИФА 30 майдан эътиборан “Машъал” футбол клуби учун трансфер тақиқи белгилади. Ҳозирга келиб Ибе Окоро билан жамоа тўлиқ ҳисоб китобни амалга оширди. Фақат уни алоҳида ФИФАга мурожаат йўллаб ёпиш қолган холос. Шунингдек, Ифеаний билан ҳам бўлган шундай муаммо айни вақтда ҳал этиш арафасига келиб бўлди. Клуб ва футбочи тез орада ўзаро келишуга эришади ва тўловлар бутунлай тўлаб берилади.

“Машъал” матбуот хизмати.