"Машъал"нинг янги футболчиси қандай мақсади борлигини айтди

Бугун “Машъал” жамоасини ҳужумчи Достон Тошматов билан шартнома имзолагани хусусида сайтимиз орқали хабар бергандик. Ушбу ўйинчи клуб матбуот хизматига янги жамоага ўтиши муносабати билан дастлабки фикрларини билдирди.

“Очиғи катта футболни жуда соғиндим. Янги мавсумни бошланишини шахсан мен интиқ бўлиб кутаяпман. Бу мавсумни Муборакда ўтказаман. Мен учун “Машъал” қизиқарли жамоа, клуб раҳбариятининг таклифини тез қабул қилдим.

Ўйлайманки, ҳаммаси яхши бўлади. Ўтган мавсум “Машъал” учун ёмон бошланмаган эди. Аммо бу футбол, унда ҳамма нарса бўлади. Бу мавсум ҳаммаси яхши бўлишига умид қиламан. Мен албатта жамоам билан Суперлигага қайтаман”, - деди Тошматов.