Mashhur hakamlardan biri: Skomina "Tottenxem" darvozasiga penalti qo‘yib xato qildi

Ispaniyalik mashhur hakamlardan biri Xuan Anduxar Oliver kecha “Tottenxem”ga qarshi o‘yinda “Liverpul”ga penaltini sovg‘a qilishganini ishonch bilan gapirdi.

Uning fikricha “shporlar” futbolchisi Mussa Sissokoning qo‘liga to‘p tekkan vaziyatni uchrashuv hakami Damir Skomina noto‘g‘ri baholagan va adolatsiz penalti qo‘ygan.

“Bu hakamning xatosi. To‘p dastlab Sissokoning ko‘kragiga tekkandi va keyin kutilmaganda qo‘liga tegdi. Bunday vaziyatlarda penalti belgilanmaydi. U erda futbolchi ongli ravishda to‘pni qo‘li bilan o‘ynamagan edi”, - deydi Oliver.

Eslatib o‘tamiz, shu kuni uchrashuvda VAR tizimi ham ishladi.