Машҳур промоутер Цзю ва Турман жангида яққол фаворит кимлигини айтди

Таниқли промоутер Леонард Эллербе Тим Цзю(24-0, 17 KO) ва Кит Турман(30-1, 22 KO) ўртасидаги бўлажак жанг ҳақида гапирди.

"Менимча, бу жанг Кит фойдасига ишлайди. Тим Цзю қандай жангчи эканлигини биламиз, лекин тўғрисини айтсам, у одамлар ўйлаганчалик яхши эмас. У Турманга қарши фаворит ҳам эмас, бу аниқ. Мен бу бизнесда анчадан бери ишлаганим боис шуни айтишим мумкинки, ушбу жангда Кит Турман ғалаба қозонади.Чунки унда бу учун яхшигина имконият бор", – деди Эллербе Fight TV телеканалига берган интервьюсида.

Эслатиб ўтамиз, Цзю ва Турман ўртасидаги қарама-қаршилик 30 март куни Лас-Вегасда бўлиб ўтади.