Маскерано Мессининг келажагига ойдинлик киритди

“Интер Майами” бош мураббийи Хавьер Маскерано жамоа етакчиси Лионель Месси ҳақида саволга жавоб берди.

- Биз Леони максимал даражада асрашга ҳаракат қиламиз. У майдонда ўзини қулай ҳис қилмоқда. Ҳозир у терма жамоага йўл олади, қайтгач эса вазиятни кўрамиз.

У бизнинг мақсадларимизга эришишда муҳим ўйинчи. Месси бўлмаса, бунинг иложи йўқ, - деди Хавьер Маскерано.

Лионель Месси фаолиятининг катта қисмини “Барселона”да ўтказган. Кейин икки йил ПСЖ шарафини ҳимоя қилди.

2023 йилнинг ёзида аргентиналик юлдуз АҚШга кўчиб ўтди ва “Интер Майами” билан шартнома имзолади. Унинг клуб билан амалдаги келишуви 2028 йилнинг охиригача тузилган.