Матич: МЮни 8 та финал кутиб турибди

"Биз ўтган ўйинларда қаерда хато қилганимизни аниқлаш учун учрашувларни таҳлил қилиб чиқишимиз керак. Аминманки, Сульшер вазиятни ўнглай олади. Мен Уленинг қолишини истайман. У ажойиб мураббий ва жуда позитив.

Терма жамоаларнинг ўйинидан сўнг нима бўлишини кўрамиз. ФИФА кунларидан кейинги дастлабки ўйин ҳеч қачон осон ўтмаган. Айниқса, МЮ сингари кўп футболчилари термага кетадиган клублар учун жуда оғир.

АПЛда кучли тўртликка кириш учун барча имкониятларни ишга солишимиз керак. Икки ой олдин "Челси"дан 11 очко ортда қолаётган эдик. Ҳозирда эса вазият яхшиланди. Биз саккизта финалда ўйнашимизга тўғри келади", - деди сербиялик футболчи.