Матюиди нега Роналдуга раҳмат айтди?

Кеча "Ювентус" А Сериянинг 17-турида "Удинезе"ни 3:1 ҳисобида енгди. Ўйиндаги голларни 2 тасига эса Криштиану Роналду муаллифлик қилди.

Эътиборлиси, Гонсало Игуаин учрашувнинг 80-дақиқасида сардорлик боғичини Роналдуга тақиб қўймоқчи бўлди, аммо, португалиялик футболчи уни жамоадоши Блез Матюидига берди.

Ўйиндан сўнг франциялик футболчи ўз твиттерида Роналдуга нисбатан қуйидаги сўзларни ёзиб қолдирди: “Бундай шараф учун раҳмат”.

Эслатиб ўтамиз, Роналду “Ювентус” сафида 2018 йилдан буён, Матюиди эса 2017 йилдан буён туринликлар сафида тўп суриб келмоқда.