Маурисио Руффи Арман Царукянга қарши жангда нега нокаутга учради?

Бразилиялик UFC жангчиси Маурисио Руффи яна бир таниқли ММА устаси Арман Царукянга қарши баҳсда йўл қўйган хатоларини айтиб ўтди.

"Биринчи раунддаёқ Арманнинг юзи шикастланган ва кўзи қаттиқ шишган эди. Унга яна зарбалар бериб, жангни иккинчи раундда якунламоқчи эдим.

Секундантлар менга ўн сония қолди, деб бақиришганида, Царукян оёқларимга шўнғиди. Мен эса буни яхши деб ўйладим. Боиси шу орқали уни куч сарфлашга мажбур қилиб, кейинги раундда нокаут учратмоқчи эдим.

Тўрт сония қолганида бурчакдан қочиб кетишим мумкин эди, лекин буни истамадим. Вазиятдан унга қарши фойдаланмоқчи эдим. Бироқ диққатимни йўқотдим, бўшашдим ва бунинг учун бадал ҳам тўладим", - деди Бразилия вакили.