Мауро Каморанези истеъфога чиқарилди

Италиялик мутахассис, “Ювентус”нинг собиқ футболчиси Мауро Каморанези Словениянинг "Марибор" клуби бош мураббийи лавозимидан истеъфога чиқарилди. Бу ҳақда клуб расмий сайти хабар тарқатмоқда.

Истеъфонинг сабаби жамоанинг ушбу мавсумдаги муваффақиятсиз ўйинидир.

“Раҳбарият томонидан белгиланган вазифалар бажарилмади. Жамоа инқирозга юз тутди ва биз ушбу вазиятга қандай ечим топишни кўрмаяпмиз. Ишда сезиларли яхшиланиш кузатилмади”, - дейилади клуб баёнотида.

Маълумот учун, Каморанези “Марибор”ни 2020 йилнинг сентябридан буён бошқариб келаётган эди. Унинг клуб билан амалдаги шартномаси эса 2023 йилга қадар имзоланган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар