Мавлонбек Қаҳҳоровнинг навбатдаги жанг санаси ва рақиби маълум

Ўзбек муайтай оламининг ёрқин вакили, 3 карра жаҳон чемпиони, 3 маротаба Осиё ўйинлари ғолиби Мавлонбек Қаҳҳоровнинг навбатдаги жанг санаси маълум бўлди. 

Ушбу спортчимиз 5 март куни Андижонда ташкил этилувчи "ATF Championship 8" турнирида жанг қилади. Унга рақиб сифатида яна бир ҳамюртимиз Нодирбек Хайриддинов танланган. 

Ушбу қарама-қаршилик 73 кг вазн тоифасида профессионал кикбоксинг йўналишида бўлиб ўтади. 

Эслатиб ўтамиз, Мавлонбек сўнги жангини ўтган йилнинг 21 ноябрида Тошкентда ташкил этилган профессионал муайтай кечасида эронлик Хосаин Носирига қарши ўтказди ва рақибига хеч қандай имконият қолдирмаган ҳолда, ғалабага эришганди.