Мавлуд Тифиев таиландлик нокаутчига қарши жанг қилади

27 октябрь куни Таиланднинг Банкок шаҳрида навбатдаги ONE FC турнири ташкил этилади. Яъни, "ONE Lumpine 38" турнири бўлиб ўтади.

Мазкур жанг кечасида ҳамюртимиз Мавлуд Тифиев ҳам рингга кўтарилади. Эътиборли жиҳати юртдошимиз ушбу кечанинг 2-марказий жангида баҳс юритади. Унга таиландлик анчагина машҳур ва нокаутчи Йодпухупа Виманаир рақиблик қилади.
Бу жанг катта эҳтимол билан Мавлуд Тифиевга ONE Championship промоушенига ўтиш учун хизмат қилади.

Маълумот учун, ONE Lumpine турнирида ўзини кўрсатган спортчилар асосий промоушен билан шартнома имзолаш имкониятига эга бўлади. Тифиев эса ўзининг ёрқин жанглари билан промоушен мутасаддиларининг эътиборига тушган.