Мавлуд Тупиев 12 карра Россия чемпиони билан жанг қилади

10 март куни Таиланднинг Бангкок шаҳрида ONE Championship навбатдаги турнирини ўтказади. Мазкур жанг кечасида ўзбекистонлик моҳир муайтай ва К-1 устаси Мавлуд Тифиев ҳам рингга кўтарилади. Тупиев Сингапур промоушени билан 6 та жангга шартнома имзолаган эди. 

Дастлабки жангидаёқ у промоушеннинг собиқ чемпиони, кикбоксинг ва муайтай бўйича 12 карра Россия чемпионати ғолиби ҳамда профессионал муайтай йўналишида жаҳон чемпиони доғистонлик Аллаверди Рамазановга қарши баҳс юритади. 

Ушбу қарама-қаршилик 66 кг вазн тоифасида профессионал муайтай йўналишида бўлиб ўтади. Юртдошимизга ушбу муҳим жангда омад ёр бўлишини тилаб қоламиз!