Мавлуд Тупиевнинг навбатдаги рақиби кикбоксинг оламининг машҳур вакили бўлади!

8 октябрь куни БААнинг Дубай шаҳрида профессионал кикбоксинг кечаси ташкил этилади. Яъни, BKK Kickboxing Championship турнири бўлиб ўтади. 

Мазкур жанг кечасида ўзбекистонлик Мавлуд Тупиев ҳам рингга кўтарилади. У муайтай, К-1, кикбоксинг оламида анчагина машхур бўлган руминиялик Киристиан Милеага қарши жанг қилади. 

Шу ўринда айтиб ўтиш жоизки, Милеа Руминиянинг ТОП спортчиларни сарасига киради. У профессионал муайтай, К-1 ва кикбоксинг бўйича 100 дан ортиқ жангларда иштирок этган ва аксариятида ғалаба қозонган. 

Албатта, ҳамюртимиз ҳам тажриба бобида рақибидан асло қолишмайди ва шу ўринда ушбу муҳим жангда юртдошимизга омад тилаймиз!