Мавлуд Тупиевнинг навбатдаги рақиби маълум. У ONE Championship промоушенида жанг қилади

Юртимизнинг энг кўзга кўринган профессионал муайтай ҳамда К-1 жангчиси Мавлуд Тупиев (Тифиев) Сингапурнинг ONE Championship промоушенида жанг қилади. Хабарингиз бор, ушбу промоушен нафақат ММА балки бошқа яккакураш турларидан ҳам турнирлар ташкил этади. 

Тупиев муайтай бўйича таиландлик Муангтай Сенчайга қарши рингга кўтарилади. Мазкур жангдаги ғалаба орқали юртдошимиз жаҳоннинг нуфузли промоушени билан яна яхшигина шартномага эга бўлади. Шунинг учун ҳам бу жанг Тупиев учун жуда муҳим саналади ва у ҳозирда жангга жиддий ҳозирлик кўрмоқда. 

Эслатиб ўтамиз, Мавлуд Тупиев 5 ноябрь куни Германиянинг Франкфурт шаҳрида ММА бўйича дебют жангини ўтказиб, IFC чемпионлик камарини қўлга киритганди. Шунингдек, у ҳаваскор йўналишди кўп карра Ўзбекистон чемпиони, халқаро турнирлар ғолиби ва профессионал муайтай бўйича 2019 йил 67 кг вазнда Thai Fight Kard Chuek чемпионлигини қўлга киритган.