Майк Тайсон ва Рой Жонс жангида ким ғалаба қозонди? Ўзбекистонлик бокс мутахассислари жавоб берди

Миллионлаб бокс мухлислари орзиқиб кутган Майк Тайсон ҳамда Рой Жонс жанги ҳам бўлиб ўтди. Мазкур тўқнашувдан кейин омма орасида турлича гап-сўзлар авж олди. Тўғри, бу кўргазмали жанг эди. Лекин боксчилар имкон қадар жиддий суръатда жанг олиб борди. Натижа борасида ҳам икки хил фикрлар пайдо бўлди. Маълумки, улар ўртасидаги жанг ҳакамлар қарорига мувофиқ, дуранг билан якунланганди. Шубҳасиз, бу натижа қайд этилишида жанг мақоми ҳамда бу икки афсонанинг тўқнашуви эканлиги ҳам инобатга олинди. Аслида, ушбу жангга мутахассис сифатида ёндашиб, очколар ҳисобланганда, ким ғалаба қозонарди, деган савол барчани қизиқтираётган бўлса, ажаб эмас.
Биз бу борада юртимиздаги бокс мутахассисларини фикри билан қизиқдик.

Муҳаммадқодир Абдуллаев – Олимпиада чемпиони

Бу ёшда шундай савияда жанг олиб боришни ўзи бўлмайди. Ҳар иккисига қойил қолиш керак. Бироз устунлик ва аниқлик Тайсон тарафида бўлди. Мени фикримча, бу жангда Майк Тайсон ғалаба қозонди.

мухаммад ака

Зуфар Сулаймонов – мураббий

Аслида, ҳар иккиси ғалаба қозонди, деб айта оламан. Чунки, уларни миллионлаб мухлислари бор ва улар яна бир бора суюкли боксчиларини рингдаги ҳаракатларига гувоҳ бўлди. Агар, натижага тўхталадиган бўлсак, нисбатан фаоллик ва аниқлик Тайсон тарафида бўлди.

зуфар ака1

Аброр Турсунпўлатов – мураббий

Тўғриси, ҳозирда Екатеринбургда бўлиб турибмиз. Маълумки, 5 декабрь куни Фазлиддин навбатдаги жангини ўтказади. Шунга ҳозирлик кўраётган эдик. Жангни 7 ва 8-раундини кўрдим. Ўша икки раундни инобатга олиб, фикр билдирадиган бўлсам, бу раундларда Рой Жонс устунлик қилди. Тўлиқ жанг борасида эса бирор фикр билдира олмайман.

Аброр ака

Набижон Исмонов – мураббий

Бу жангнинг мақоми барчага маълум. Лекин имкон қадар чиройли жанг кўрсатишга ҳаракат қилишди. Бироз устунлик Тайсон тарафида бўлди. Албатта, бу шахсий фикрим.

рой

Тўлқин Қиличев –мураббий

100 эмас, 500% Тайсон ютди. Чунки унинг зарбалари аниқ ва мақсадли бўлди.

тўлқин ака

Ўткирбек Ҳайдаров – мураббий, Олимпиада совриндори

Натижа адолатли бўлди. Ҳар иккиси жаҳон боксида ўз ўрнига эга. Шундай экан, жанг мақомини ва уларнинг ёшини инобатга олган ҳолда ташкилотчилар ва ҳакамлар шу қарорга келди. Шахсан мен ҳам шу йўлни тутган бўлардим. Жангнинг бориши ҳам ушбу натижа ҳаққоний эканлигини кўрсатди.

уткир ака

Шерзод Ҳусанов – профессионал боксчи

Албатта, бу кўргазмали жанг эди. Шундай бўлса-да, Рой Жонс очколар ҳисобига ютди.

шер ака

 

Матнда хатолик топсангиз, ўша хатони белгилаб, бизга жўнатинг (Ctrl + Enter)