Майкл Кэррик: "Жамоам характер кўрсатди ва қийин вазиятдан чиқди"

"Манчестер Юнайтед" бош мураббийи Майкл Кэррик Англия Премьер-лигасининг 28-турида "Кристал Пэлас" устидан қозонилган иродали ғалаба (2:1) борасида фикр билдирди.

— Ғалабадан жуда хурсандман. Ўйинни секин бошлаганимизга қандай жавоб қайтарганимиз мени қувонтирди. "Пэлас"га тан бериш керак — улар учрашувни жуда тез ва фаол бошлади.

Биз ишонч ва характер намоён этдик, натижада биринчи бўлимни яхши якунладик. Эрта ўтказиб юборилган голдан кейин ҳисобни тенглаштириш ва устунликка чиқиш — бу биз учун янги чақириқ. Баъзан шундай синовлардан ўтишга тўғри келади.

Бруну Фернандеш масъулиятни ўз зиммасига олади. Дин Хендерсон пенальтиларни кўп қайтарган дарвозабон, шу боис бу яхши дуэль бўлди. Бруну бундай пайтда ҳар доим олдинга чиқади, у бошқача йўл тутмайди. Қизил карточка ва пенальти ўйин тақдирига катта таъсир қилди.

Беньямин Шешкони старт таркибида тушириш таваккал эмас эди. Қарор қийин бўлмади — у яхши формада ва сўнгги ҳафталарда жамоа ўйинига катта таъсир кўрсатди. У бу ерда ўйнашни ўрганмоқда, ғалаба голи эса ажойиб бўлди. Биз унга ёрдам бериш учун шу ердамиз ва бу давом этади, деб ишонаман. У жамоа учун керак бўлган барча ишни қилишга тайёр.

— "Манчестер Юнайтед" жадвалда учинчи ўринга кўтарилди.

— Ҳозир бу катта аҳамиятга эга эмас. Албатта, бу ёқимли ҳолат, аммо биз ўсишда давом этмоқчимиз. Жуда эрта ўтказиб юборилган голдан кейин жавоб қайтара олганимиз муҳим, — деди Кэррик.